Tímaflakkarinn

Tímaflakkarinn kom í verslanir rétt fyrir jólin 1998 og var gefin út af Dímon Hugbúnaðarhús en dreift af Skífunni. Hann var svo gefin út aftur ári seinna á Macintosh vélarnar. Leikurinn átti að kenna krökkum Íslandssögu en hafa á sama tíma skemmtanagildið í fyrirrúmi. 

​Leikurinn gekk út á að spila sem persónan Denni sem finnur hálsmen sem gerir honum kleift að ferðast aftur í tíma. Hann ferðast á fjögur mismunandi tímabil. Denni breytist til dæmis í Vífil sem var annar þræll Ingólfs Arnarsonar, Gissur Einarsson sem var fyrsti lútherski biskupinn á Íslandi og konu sem hét Sigrún og var fórnarlamb í Tyrkjaráninu sem átti sér stað á Íslandi á fyrri helmingi 17. aldar

​Á hverju tímabili er ákveðinn söguþráður, eins og með Vífil sem var þræll Ingólfs Arnarsonar, sem þurfti að hjálpa honum að finna öndvegissúlurnar og koma upp kofa þar sem Reykjavík er núna og í gegnum þetta tímaflakk lærðu notendur um Íslandssögu.

Leikurinn seldist vel á íslenskum mælikvarða þessi jól og var hann söluhæsti leikurinn á þessum tíma, en hann seldist í 3000 eintökum, nokkrum eintökum fleiri en Tomb Raider III með Laura Croft í aðalhlutverki.  

Eftir velgengni Tímaflakkarans var ákveðið að útbúa leikjavél til að halda áfram þróun annara leikja. Byggt á þeirri leikjavél var næsti leikur þeirra Talnapúkinn ( 1999 ) í samstarfi við Bergljótu Arnalds.  

Hér fyrir neðan er smá video sem ég setti saman til að sýna uppsetningu á leiknum og svo smá intro og spilun. Það var því miður ekki hægt að sleppa því að fara í gegnum credit listann en það er bara flott að þau sem gerðu leikinn fái að njóta sín í þessu myndbandi líka :)